Бүгд Найрамдах Польш улсын төрийн тэргүүний айлчлалтай холбоотойгоор зарим хэсгийн замын хөдөлгөөнийг түр хязгаарлахаар болжээ. 

Тодруулбал, өнөөдөр 17:00-18:30 цагт Яармагаас жанжин Д.Сүхбаатарын талбай хүртэлх хөдөлгөөнийг түр хязгаарлах юм байна. Иймд замын хөдөлгөөнд оролцогчид тухайн маршрутаар зорчихгүй байхыг анхаарна уу хэмээн Тээврийн Цагдаагийн албанаас мэдээлэв.

Ташрамд дурдахад, Польш улсын ерөнхийлөгч Анджей Дудагийн манай улсад хийх албан ёсны айлчлал өнөөдөр эхэлж, энэ сарын 26-ныг дуустал үргэлжлэх юм.