Төрийн ордонд УИХ-ын гишүүд гар зөрүүлж, энэ дагуу Сүхбаатар дүүргийн цагдаагийнхан хэв журам сахиулахаар ирсэн байдаг. Тодруулбал, УИХ дахь АН-ын бүлгийн дарга О.Цогтгэрэл, гишүүн Д.Ганбат нар Б.Пүрэвдорж гишүүний өрөөнд муудалцан эцэстээ нэгэн рүүгээ үнсний сав шидэлцэж, барьцалдаж авсан юм. АН-ынхаа асуудлаар, өрөөгөө булаацалдсанаас гэх олон таамаг гарсан ч зодооны жинхэнэ шалтгаан нь тодорхойгүй үлдсэн юм. 
Зодооны дараахан УИХ-ын гишүүн Д.Ганбат хуулийн байгууллагад хандана хэмээж байсан бол эсрэгээрээ О.Цогтгэрэл “УИХ-ын гишүүний бүрэн эрхэд халдсан” хэмээн гомдол гаргажээ.
Тэгэхээр хоёр гишүүн хэн нь хэнийхээ бүрэн эрхэд халдсан болж таарах вэ. Үүнийг хууль хяналтын байгууллага л хагалж таарах нь.