МАН өнгөрсөн сонгуулийн саналын тоог хар машинаар луйвардан сонгуульд олонхийн санал авсан гэж иргэн Б.Ган-Очир гэгч нь тухайн үедээ мэдээлэл хийж шуугиан тарьж байсан. Тэгвэл сүүлийн өдрүүдэд Б.Ган-Очирын эхнэр А.Ариунтуяа нь нөхрийнхөө эсрэг мэдээллүүдийг цахимаар ар араас нь тарааж байгаа юм. Хамгийн сүүлд тэрээр Золбоо.тв-д өгсөн ярилцлагадаа “Б.Ган-Очир сонгуулийн үеэр санал хураахад ашиглаж байсан хар машины луйврын талаар олон нийтэд мэдээлэл хийснийхээ төлөө АН-ын С.Эрдэнээс 80 сая төгрөг авсан гээд, надад 15 сая төгрөг бэлнээр авчирч өгч байлаа. С.Эрдэнийн өгсөн мөнгөөр Нүхтэд 2 өрөө байр авсан” гэж ярьсан. Тэгвэл бид энэ талаар С.Эрдэнээс утсаар тодруулга авсан юм. Тэрээр Б.Ган-Очир гэж хүн танихгүй, мөнгө өгч авалцаагүй, баримтаа гаргаад ир гэсэн хариу тайлбар өглөө.