МАН-ын бүлэг даваа гараг бүр хуралдаж, гаргасан шийдвэрээ олонд танилцуулдаг уламжлалтай. Өнөөдрийн мэдээллийн дараа хэвлэлийнхэн "Нүүрсний хулгай”, “Хөгжлийн банк”-ны хэрэгт яллагдагчаар татагдаад буй гишүүдийн бүрэх эрхийг түдгэлзүүлэх тухай асуудлыг хөндсөн үү. Мөн Ч.Ундрам гишүүний асуудлыг  Ёс зүйн байнгын хороогоор хэлэлцэнэ гэсэн мэдээлэл бий. Бүлэгт энэ талаар ярьсан эсэхийг тодруулав.
УИХ дахь МАН-ын Бүлгийн дарга Д.Тогтохсүрэн: "УИХ-ын гишүүн Ч.Ундрамтай холбоотой асуудлаар Сахилга хариуцлагын Байнгын хороонд иргэдээс өргөдөл хүсэлт олноор ирүүлсэн юм билээ. Хуулийн дагуу Сахилга хариуцлагын байнгын хороо үүнийг ярих болов уу. Бусад гишүүний тухайд нүүрсний, Хөгжлийн банкны хэрэгт эрүү үүсгэн шалгаж байгаа. Хууль хяналтын байгууллагаас ямар санал ирүүлнэ, тэр дагуу цааш явна” гэв.