Хөгжлийн Банкны өнөөдрийн шүүх хуралдаанаар хохирогч болон иргэний нэхэмжлэгч байгууллагын төлөөллүүд мэдүүлэг өгч байна. 

Энэ үеэр хохирогч Хөгжлийн Банкны төлөөлөгч Д.Гүрбазар аж ахуйн нэгжүүдээс нэхэмжлээд буй мөнгөн дүнг нэг бүрчлэн танилцууллаа. 

Хөгжлийн Банк нийтдээ 596.6 тэрбум төгрөгийг нэхэмжлээд байгаа бөгөөд өнгөрөгч шүүхийн ажиллагааны хугацаанд “Вертекс Майнинг Партнер” ХХК болон “Комплант” ХХК-ууд зээл, алданги, хуримтлагдсан хүүгээ бүрэн барагдуулсан байна. 

Харин “Газ Импорт” ХХК болон "Чингис хаан" банк зээл авснаасаа хойш ямар ч төлөлт хийгээгүй байна. 

Хөгжлийн Банк нь компаниудаас 447.8 сая төгрөгөөс 157.6 тэрбум төгрөгийг нэхэмжилж, хэрхэн тооцоолол хийсэн тухайгаа шүүх хурлын үеэр дэлгэрэнгүй танилцуулсан юм.