NBA Play off эхний шатанд оноолт таарсан Мемфис Гриззлис болон Лос Анжелес Лэйкерс багуудын цувралын дөрөв дэх тоглолт өнгөрсөн мягмар гарагт боллоо. Тус тоглолтын үеэр Леброн Жэймс NBA Дээд амжилт тогтоов. Тэрбээр 38 нас, 115 хоногтойдоо 45 минут талбайд өнгөрүүлж, 22 оноо, 20 удаа самбараас бөмбөг авсан үзүүлэлттэйгээр плэй-оффын тоглолтод 20+ оноо, 20+ самбараас бөмбөг авсан хамгийн ахмад тоглогч боллоо. 

Өмнөх дээд амжилтыг 1973 оны тавдугаар сарын 10-нд Вилт Чемберлен (36 нас, 262 хоногтойдоо) тогтоож байсан юм. Мөн Лэйкерсийн тоглогчдоос түүнтэй зэрэгцэхүйц гүйцэтгэлийг хамгийн сүүлд 2004 онд Шак л толилуулж байв.

Лос Анжелес Лэйкерс баг уг тоглолтод хожсоноор цувралыг 3-1 гэсэн үзүүлэлтээр тэргүүлж байна.