"Queen" хамтлагийн домогт дуучин Фредди Меркуригийн алдартай тоглолтууд дээрээ өмсөж байсан савхин богино өмд дуудлага худалдаагаар 19 мянган ам.доллар буюу 73 сая төгрөгөөр зарагджээ. 

Тэрээр бариу загвартай уг богино өмдөө алдар нэрийнхээ оргил үед буюу 1980-аад оны үед Бирмингем, Торонто зэрэг хэд хэдэн томоохон хотуудад болсон шоуныхаа үеэр өмсөж байжээ. 

Нэрт дуучин Фредди Меркури 1991 онд 45 насандаа ДОХ-ын хүндрэлийн улмаас нас барсан билээ. Түүний эл 71 см бэлхүүстэй богино өмдийг "Queen" хамтлагийн "Queen: As It Began" намтар номонд "Фредди тайзны хувцаслалтаараа л үзэгчдийг алмайруулахаар шийдсэн нь эрэгтэй хүнд байж болох хамгийн богино, хамгийн бариу савхин богино өмд. Төсөөлөх юу ч шаардлагагүй тийм хувцаслалтад нь хэн ч гомдоллож, шүүмжилж байсангүй" гэж бичжээ. 

Энэ оны сүүлээр Фредди Меркуригийн гэрт хадгалагдаж буй 1500 гаруй хувийн эд зүйлийг дуудлага худалдаанд гаргах талаар түүний фен клубийн нарийн бичгийн дарга Жеки Ганн мэдээлжээ. 

 

Эх сурвалж: BBC