МУГТ Э.Цэндбаатар өчигдөр\2023.04.29\ АНУ-ын Нью-Йорк хотноо Мексикийн Эди Валенсиа Меркадогийн эсрэг мэргэжлийн боксын ээлжит тулаанд ялж Аваргын бүсний эзэн болсон билээ.

Тэрбээр 2018 онд мэргэжлийн боксын замналаа эхлүүлж, АНУ-ын “DiBella Entertainment”-тай гэрээ байгуулж байв. Э.Цэндбаатар мэргэжлийн боксын замналдаа “5-0” амжилттай, өрсөлдөгчөө гурван удаа хүнд цохилтоор ялж, нэг ч ялагдаагүй амжилттай яваа.

Тэгвэл өчигдөр\2023.04.29\ болсон тулааны өмнөх хэвлэлийн хуралд “DiBella Entertainment”-ын үүсгэн байгуулагч Лу ДиБелла багийг нь төлөөлөн тулалдаж буй Э.Цэндбаатарын талаар сэтгэгдлээ хуваалцсан юм.

Тэрбээр “Э.Цэндбаатар бол мангас. Тэр бол нокаут хийж чаддаг, аймшиггүй тулаанч. Түүнд дэлхийн аварга болох бүрэн нөөц бололцоо бий. Бид түүнийг Дэлхийн Аваргын бүс авахад шаардлагатай бүх боломжоор хангана. Өнөөдөр түүний тулааныг дэлхий даяар үзэж байгаад баяртай байна” гэсэн юм.

Харин Э.Цэндбаатар “Өнөөдөр би энд байгаадаа баяртай байна. DiBella Entertainment-тай хамтарч ажиллана гэдэг бол мөрөөдөл биелж байгаа хэрэг. Би багаасаа мөрөөдөлдөө хүрч ирсэн. Дэлхий даяар үзэж байгаа үзэгчдэдээ дахин нэг гайхалтай, тэсрэлттэй тулаан үзүүлэхийг тэсэн ядан хүлээж байна” гэв.

Э.Цэндбаатарын менежер Макс Алперович түүнийг Майк Тайсон, Мэнни Пакьяо нарын холимог тулаанч гэж онцолсон юм. Мөн түүнийг ямар ч түвшний өрсөлдөгчтэй тулалдахад бэлэн. Э.Цэндбаатартай хамт дэлхийн аваргын бүсний төлөө явна гэсэн байна.