Үндэсний номын баярын хамрах хүрээ энэ жил илүү өргөжиж, орон нутгаас эхлэхээр төлөвлөжээ. 

Арга хэмжээний зохион байгуулалтын талаар "Номын соёлт ертөнц" ТББ-аас тодруулахад "Номын баярын арга хэмжээг энэ жил аймгуудаас эхлүүлнэ.

Тавдугаар сарын 19, 20, 21-нд аймгуудын төв талбайд номын баярын арга хэмжээг зохион байгуулна. Үүний дараа буюу тавдугаар сарын 26, 27, 28-нд Д.Сүхбаатарын талбайд арга хэмжээ үргэлжлэх юм" гэлээ.

Мөн номын баярыг шинэлэг түвшинд хийхээр төлөвлөж буйгаа зохион байгуулагчид нь мэдээлэв.

Номын баяр нь унших, бичих, орчуулах, хэвлэн нийтлэх, түгээх үйл ажиллагааг дэмжиж, сурталчилдаг үндэсний хэмжээний арга хэмжээ юм. Өнгөрсөн жил номын баярт давхардсан тоогоор 180,000 хүн иржээ.