Монгол Улсын Ерөнхий сайд Л.Оюун-Эрдэнийн санаачилгаар 2023 оныг “Авлигатай тэмцэх жил” болгон зарласан. Энэ хүрээнд “5Ш” ажиллагааг хэрэгжүүлж буй.

Тухайлбал;

• Шүгэл ажиллагаа - Шүгэл үлээгчийн Эрх зүйн байдлын тухай хуулийг хаврын чуулганаар яаралтай батлуулж, Үндэсний хэмжээнд эрх зүйн бодлоготой болох,
• Шүүр ажиллагаа - Улс төр, нийтийн албанд ажиллаж байгаа орлогоос давсан хэрэглээтэй, орлогоо нотолж чаддаггүй хүмүүсийг нийтийн албан тушаалаас шүүрдэн чөлөөлөх,
• Шувуу ажиллагаа - АТГ-т шалгуулахгүйгээр гадаад улс орон руу зугтсан, эрүүгийн хэрэгт эрэн сурвалжлагдаж байгаа, төрийн албанд ажиллаж байсан этгээдүүдийг эх нутагт нь буцаан авч ирж олон улстай хамтарч шүүхээр оруулж, мөрдөн шалгах ажиллагааг тасралтгүй явуулах,
• Шилэн байх ажиллагаа - Төрийн өмчит бүх компаниудын засаглалыг сайжруулах үүрэг даалгана,
• Шилжүүлэн авч ирэх үйл ажиллагаа - Авлига, албан тушаалын замаар олсон хөрөнгийг буцаан татах, өөр улсад байгаа хөрөнгийг авч ирэх, улсын орлого болгох ажлууд хийнэ.

Эдгээр ажиллагааг хэрэгжүүлснээр Монгол Улсын дотоодын нийт бүтээгдэхүүнийг “55 их наяд төгрөгт” хүргэх боломжтой гэдгийг тооцоолжээ.

Эдгээрээс “Шүүр ажиллагаа”-ны талаар surag.mn онцлон хүргэж байна

Монгол Улсын Ерөнхий сайдын өгсөн чиглэлийн дагуу “Шилжүүлэн авч ирэх үйл ажиллагаа” болон “Шүүр ажиллагаа”-ны хэрэгжилтийг ЗГХЭГ-ын дарга Д.Амарбаясгалан хариуцаж байгаа юм.

Шүүр ажиллагаагаар төрийн бүх шатны байгууллага, төрийн өмчит компани, улсын үйлдвэрийн газруудын даргын албан тушаалд хууль бусаар томилогдсон, ашиг сонирхлын зөрчилтэй, авлига, албан тушаалын гэмт хэрэгт холбогдож байсан албан хаагчдыг ажлаас нь чөлөөлөх учиртай. 

Энэ хүрээнд ЗГХЭГ-аас холбогдох байгууллагуудад дараах чиглэлийг өгсөн байдаг.

Тус ажлын хэрэгжилтийн тайланг ЗГХЭГ-т 2023 оны дөрөвдүгээр сарын 10-ны дотор хүргүүлэх чиглэл өгөгдсөн.

Үүгээр нийт 3000 гаруй албан байгууллагаас мэдээлэл ирүүлэх ёстой байв. Гэвч ЗГХЭГ-ын даргын дөрөвдүгээр сарын 19-нд өгсөн мэдээллээр 1343 албан байгууллага мэдээллээ ирүүлжээ. Эдгээрээс 183 байгууллага ямар нэг зөрчилгүй, 1163 нь тодорхой зөрчилтэй байгаа бөгөөд үүнээс 187 албан тушаалтныг чөлөөлж, 172 зөрчлийг арилгуулсан гэх тайлбарыг өгсөн.

• Монгол Улсын Төсвийн тухай хууль 2022 оны 11 дүгээр сарын 11-ний өдөр батлагдсан байдаг. Уг хуульд төсвөөс тэтгэврийн насны буюу тэтгэвэр авч байгаа хүнийг цалинжуулахгүй байх хуулийн заалт орсон.

Өнөөдрийн байдлаар 6161 төрийн албан хаагчид тэтгэвэр авч байгаа хэрнээ төсвөөс даврах цалинжиж буй. Тухайлбал төрийн тусгай албан хаагч 156 хүн цэргийн насны тэтгэвэр тогтоолгоод, төсвөөс цалинжиж байгаа юм.

Тус төрийн албаны ажилчдыг төсвөөс цалинжуулахад 7.5 тэрбум орчим төгрөг зарцуулагддаг аж. Мөнгөн дүнг бүтэн жилээр авч үзвэл нийт 30 тэрбум төгрөгийн цалин гарч байгаа юм.

ЗГХЭГ-ын дэд дарга буюу Засгийн газрын Хяналт хэрэгжүүлэх газрын дарга Б.Баасандорж: “Шүүр ажиллагааны хүрээнд Төрийн албаны тухай хуулийг хэрэглэж байгаа дарга нартай холбоотой 6187 зөрчил илэрсэн”.

• ТЗТҮ - 349
• Төрийн өмчит болон төрийн өмчийн оролцоот компаниудад 76

• Гаалийн ерөнхий газраас дөрөвдүгээр сарын 13-ны өдрийн байдлаар 150-160 орчим хүн чөлөөлөгдөх мэдэгдлээ авав. /Эдгээр чөлөөлөгдөх мэдэгдэл авсан хүн бүхэн хууль зөрчөөгүй болно. Үүнээс Төрийн албаны ерөнхий шалгалтаа өгөөгүй 60 хүн, Засгийн газраас батлагдсан бүтэц, орон тооноос хэтрүүлэн томилогдсон хүмүүс, Авлига албан тушаалын гэмт хэрэгт холбогдсон байсан цөөн тооны хүмүүс чөлөөгдөх мэдэгдэл авчээ/
• Гаалийн ерөнхий газраас өнөөдөр /2023.05.01/ мэдээлэл өгөв. Үүгээр 61 албан хаагчийг ажлаас нь чөлөөлөв. /Төрийн албаны ерөнхий шалгалт өгөөгүй 61, тусгай шалгалт өгөөгүй 88 албан хаагчийг тогтоожээ. Эдгээрээс эхний ээлжинд төрийн албаны ерөнхий шалгалтаа өгөөгүй албан хаагчид чөлөөлөгдөв/
• “Дарханы төмөрлөгийн үйлдвэр” ТӨҮК-ийн Гүйцэтгэх захирал Г.Дугаржавыг ажлаас нь чөлөөлөв.
• "Оюутолгой"-н Төлөөлөн удирдах зөвлөлийн гишүүн Н.Багабанди өөрийн хүсэлтээр чөлөөлөгдөв. /Түүний хувьд далд уурхайн бүтээн байгуулалтын ажил эхэлсэнтэй холбоотойгоор чөлөөлөгдөх хүсэлтээ өгсөн/
• "Эрдэнэс Монгол"-ын Зэс металлын группийн захирал Х.Бадамсүрэнг чөлөөлөх шийдвэр гарсан. /Зэс металлын групп албан ёсоор үйл ажиллагаагаа эхлүүлж, жигдэрсэн учраас түүнийг албан ёсоор үүрэгт ажлаас нь чөлөөлсөн/
• Төрийн тусгай албан тушаалтан 9 албан тушаалтныг удирдах албан тушаалаас чөлөөлөв.
• Байгаль орчин, аялал жуулчлалын яамны Төрийн нарийн бичгийн дарга Э.Баттулгыг үүрэгт ажлаас нь чөлөөлөв. /Салбарын сайдын ирүүлсэн саналаар/

Шүүр ажиллагаагаар авлига албан тушаалын гэмт хэрэгт холбогдсон, хууль зөрчсөн этгээдүүд шүүрдэгдэж байгаа ч “Сайны хажуугаар саар” гэгчээр зарим талаараа асуудал үүсгэж байгаа аж.

Тодруулбал, Шүүр ажиллагаа нь Монгол Улс даяар хэрэгжиж буй. Энэ хүрээнд хөдөө орон нутгуудад шүүрдэх ажиллагаа хийгдсэнээр, тухайн салбар нь ажиллах хүчний хомсдолд орж байгаа байна.

Улмаар зарим эрх баригчдын зүгээс шүүр ажиллагааг зөвхөн бүх нийтийн төвлөрсөн газар болох нийслэлд л хэрэгжүүлэх саналыг дэвшүүлээд байгаа билээ.

УИХ-ын гишүүн Б.Дэлгэрсайхан

Төрийн албаны зөвлөлийн Ажлын албаны дарга Г.Билгүүн 

Хөдөө орон нутгийн 330 сумаас 312 сум төрийн албан хаагчдын дутагдалд оржээ.

Энэ мэт зарим талын саналыг эрх баригчид дэвшүүлж байгаа ч, Засгийн газар тодорхой шийдвэр өгөөгүй хэвээр байна.

"5Ш" ажиллагааг хэрэгжүүлэгчид төрийн төмөр нүүрийг үзүүлж, түмний итгэлийг нэгэнт хүлээхээр шийджээ.

Ёстой жинхэнэ “Дургүйд хүчтэй ШҮҮР ажиллагаа” болж байна.