Авлига, албан тушаалын хэрэгт шалгагдаж байхдаа улсын хилээр гарч явсан Засгийн газрын гишүүн асан Т.Бадамжунайг өнгөрсөн сарын 5-ны өдөр /2023.04.05/ Филиппин улсаас монголд авчирч, цагдан хорьсон билээ. Түүнийг цагдан хорьсон хугацаа энэ сарын 7-ны өдөр дуусах учир байв.
Тэгвэл уржигдар /2023.05.02/ прокурорын байгууллагаас Т.Бадамжунайг үргэлжлүүлэн хорих саналаа шүүхэд хүргүүлсэн байна. Энэ дагуу Сүхбаатар дүүргийн Эрүүгийн хэргийн Анхан шатны шүүх хэлэлцээд дахин нэг сар цагдан хорих шийдвэрийг гаргасан аж. Т.Бадамжунайг:

• 22.1 дүгээр зүйлийн 1 дэх хэсэг, /Эрх мэдэл, албан тушаалын байдлаа урвуулан ашиглах/,
• 22.5 дугаар зүйлийн 1 дэх хэсэг, /Хахууль өгөх/,
• 18.6 дугаар зүйлийн 1 дэх хэсэгт /Мөнгө угаах/, заасан гэмт хэрэгт холбогдуулан яллагдагчаар татаад байгаа юм.