УИХ-ын чуулганы нэгдсэн хуралдаанаар Боловсролын ерөнхий хуулийг хэлэлцэх үеэр УИХ-ын гишүүн Ц.Даваасүрэн дараах байр суурь илэрхийлэв. 

Тэрбээр "Бид нар хоёр том гүрний дунд зэрэгцэж амьдарч байгаа. Боловсролын асуудал чухал. Орлого багатай иргэдээ л орхиж болохгүй. Манай улсад Оросоос үлдсэн элит сургалтын тогтолцоо хамгийн сайн нь. Үүний агуулга, стандартыг өөрчилж болохгүй. Боловсролын гол зорилго бол ёс суртахуунтай иргэн бэлдэх юм. 

Өмнө нь сурах бичгийг эрдэмтэн судлаачид гаргадаг байсан. Сүүлд нь явцуураад 2020 оны эхэн үеэр багш нар хамгийн сайн сурах бичиг хийдэг гэдэг болсон. Шинжлэх ухааны үндэслэлтэй зүйлээ нураасан. Янз бүрийн гаднын хөтөлбөр ч бас оруулж ирсэн" хэмээв.