Чингис хаан үндэсний музей ОХУ-ын Доржи Банзаровын нэрэмжит Буриадын улсын их сургуультай хамтран ажиллах гэрээ байгуулжээ. 

Тодруулбал, Чингис хаан үндэсний музейн захирал, Академич С.Чулуун Буриадын их сургуулийн захирал Дамдинов Алдар Валерьевич нар цаашид хоёр байгууллага эрдэм шинжилгээ судалгаа, боловсрол, соёлын үйл ажиллагааны чиглэлээр хамтран ажиллах гэрээнд гарын үсэг зурсан байна. 

Уг гэрээний хүрээнд ОХУ-ын их дээд сургуульд ахисан шатны сургалтад суралцах, музейн ажилтнуудыг тусгай хөтөлбөрөөр хэлний бэлтгэлд сургах аж. 

Эх сурвалж: Чингис хаан үндэсний музей