"Хөгжлийн Банк"-ны гэх 80 хүн, 4 хуулийн этгээдэд холбогдох эрүүгийн хэргийн гэм буруугийн шүүх хуралдаан 14 дэх өдрөө үргэлжилж байна.

Өнөөдрийн шүүх хуралд “эрх мэдэл, албан тушаалын байдлаа урвуулан ашиглах”, “мөнгө угаах” гэмт хэрэгтэй холбогдуулан зарим этгээдээс мэдүүлэг авав.

Улсын яллагч: Таны Хөгжлийн Банкнаас санхүүжүүлсэн мөнгө төсөл хөтөлбөртөө зарцуулагдсан уу?

П.Мягмардорж: Зарцуулсан, 4.9 тэрбум төгрөг авахаас 4.8 тэрбум төгрөгийг авсан. Тэр хэмжээндээ зарцуулчихсан.

Улсын яллагч: 2.5 тэрбум төгрөгийг зориулалтын бусаар зарцуулсан гэж гарсан байдаг юм байна лээ.

П.Мягмардорж: Шилжүүлсэн мөнгө. БНСУ-ын гүйцэтгэгч компани алдагдалтай байдаг болохоор бэлэн мөнгө авна гэсэн. Гэтэл шилжүүлсэн мөнгөний баримтыг харахгүйгээр бэлэн авсныг зориулалтын бусаар ашигласан гэж үзээд байгаа. Ерөнхий захирлын тамгатай бичиг баримтыг АТГ-т өгсөн ч алга болгосон гэсэн. Санаатай юм уу, санамсаргүй юм уу мэдэхгүй алга болсон гэсэн.

Улсын яллагч: Хөгжлийн Банканд төлсөн зээлийн тань баримт байна уу?

П.Мягмардорж: Байхгүй. Төсөл маань дуусаагүй байгаа. Цар тахал гарсан шалтгаанаар төсөл зогсонги байдалд орсон. 2021 онд төлөх ёстой байсан.