Нийслэлийн гудамж талбайн цэцэрлэгжүүлэлтийн талаар УБЗАА-наас мэдээлэл өглөө.

"Улаанбаатар хотын нийтийн эзэмшлийн 130 га талбайд ногоон байгууламжийн арчилгааны ажил хийж байна.

Энэ онд ногоон байгууламжийн арчлалтыг хийлгэхээр төр, хувийн хэвшлийн түншлэлээр нээлттэй сонгон шалгаруулалт зарлаж, 21 ААН, хот тохижилтын газартай ажил гүйцэтгэх гэрээг гурван жилийн хугацаагаар байгуулна. Жил бүр тендер зарлахгүй. Энэ хугацаанд ААН-үүд банктай гэрээ байгуулж, тоног төхөөрөмж, ажилчдын нийгмийн хангамжийг сайжруулах боломжтой. Гэхдээ жил бүр ажил гүйцэтгэх гэрээг дүгнэнэ.

Ногоон байгууламжийн ажилд хоёр ТББ хөндлөнгийн хяналт тавихаар сонгон шалгаруулалтад тэнцсэн. Энэ жил нийтийн эзэмшлийн гудамж талбайд олон наст 628,000 ширхэг цэцэг, навчит болон шилмүүст гоёлын 185,930 ширхэг мод, сөөг зүлгийг 20,100 м.кв талбайд хийнэ.

Энэ нь өмнө нь хийгдэж байсан ногоон байгууламжаас 2-3 дахин илүү ажил хийхээр төлөвлөж байгаа"-г Хотын ерөнхий менежер М.Баяраа хэллээ.