Говь-Алтай аймгийн төрийн болон төрийн өмчит аж ахуйн нэгж байгууллагууд тавдугаар сарын 1-нээс хос бичигт шилжлээ. Тодруулбал, Монгол Улсын Засгийн газрын 2020 оны 96 дугаар тогтоолоор баталсан “Монгол бичгийн үндэсний хөтөлбөр-III, “Монгол хэлний тухай хуулийг хэрэгжүүлэх зарим арга хэмжээний тухай” Засгийн газрын 2022 оны Долоо дугаар тогтоол, "Монгол бичгээр үйлдэх баримт бичгийн хэвлэмэл хуудас, түүний бүрдэлд тавих үндсэн шаардлага MNS 6395:2022 стандартыг хэрэгжүүлэх ажлын хүрээнд энэхүү шийдвэрийг гаргажээ.
Аймгийн Засаг даргын 2023 он 4 дүгээр сарын 12-ны өдрийн А/198 дугаар захирамжаар 5 дугаар сарын 1-ний өдрөөс албан бичиг, захирамжлалын баримт бичгийг хос бичгээр үйлдэх үүрэг чиглэлийг баталсны дагуу төрийн болон төрийн өмчит аж ахуйн нэгж байгууллагууд ийнхүү хос бичигт шилжлээ.

Англи хэлийг үндэстнээрээ хамгийн эхэнд сурах хэл болгохоор хуульчилж, ерөнхий боловсролын сургуулийн бага ангиас зааж эхлэх тухайтай зэрэгцэн Говь-Алтай аймгийн засаг ийнхүү гурван жилийн өмнө гаргасан тогтоолыг мөрдөж эхлэв.