Чойжин ламын сүм музейн хашаан дахь зүлгийг устгаж шинэ барилга барих гэж байгаа гэх мэдээлэл олон нийтийн сүлжээнд тарсан. 

Тус мэдээлэлтэй холбоотойгоор Соёлын сайд Ч.Номин өөрийн албан ёсны цахим хуудсаар дамжуулан тайлбарлалаа.

Тодруулбал тэрбээр, "Чойжин ламын сүм музейн урд зүлгийг устгаж ямар ч барилга барихгүй. 

Харин музейн захиргааны зүгээс сан хөмрөгөө хадгалан хамгаалах олон улсын стандартад нийцсэн байр савтай болох, үйлчлүүлж байгаа зочдын наад захын тав тухыг хангах ариун цэврийн өрөө, ажиллаж буй хүмүүсийн эрүүл аюулгүй орчинд ажиллах боломжийг хангах хүсэлт олон жилийн турш тавьж ирсэн.

Энэ бүгд нь шийдвэрлэх ёстой зүй ёсны шаардлагууд.

Харин өнөөдрийн байдлаар уг газарт барилга барих ямар нэгэн шийдвэр болон төсөв төлөвлөгөө байхгүй болно. Зөвхөн боломжуудыг судлах шатандаа явж байна" хэмээн бичжээ.