Катарын нийслэл Доха хотод өнөөдөр\2023.05.07\ эхэлсэн жүдо бөхийн Дэлхийн Аварга шалгаруулах тэмцээний эмэгтэйчүүдийн -48 кг жинд Бавуудоржийн Баасанхүү барилдлаа.

Тэрбээр эхний барилдаанд Чилийн Мэри Ди Варгас Лейтэй таарсан бөгөөд барилдаан нэмэлт цагт шилжиж, Варгас Лэй мэх хийх үедээ гар хөшсөн тул торгуулиар ялагдаж Б.Баасанхүү шигшээ 32-т шалгарсан юм.

Тэрбээр дараагийн барилдаанд Бурундигийн тамирчин Африк тивийн аваргын хошой хүрэл медальт Сигнолин Каняамунезатай барилдаж ялснаар шигшээ 16-д шалгарлаа.

Б.Баасанхүү шигшээ 16-д Дэлхийн Аваргын мөнгө, хүрэл медальт Узбекистаны Абиба Абужакиноватай барилдана.

ДАШТ найман өдөр үргэлжлэх бөгөөд манай улсаас нийт 18 тамирчин Дохаг зорьсон билээ.