Дохагийн татамид 60 кг жинд Испанийн Франциско Гарригос Алтан медалийн эзэн болж Дэлхийн Аварга боллоо. 2014 оны Залуучуудын ДАШТ-ий 60 кг жингийн финалд Ц.Цогтбаатар гавьяатыг ялж түрүүлж байсан испани эр тус жиндээ 10 жил дэлхийн дээд түвшинд барилдсаны хэргээ бүтээж Дохагийн финалд Узбекистаны Дилшодбек Баратовыг "Golden Score"-д "өмсөх" мэхээр ялж "томчуудын" дэлхийн аваргад шар өнгийн медалиа зүүсэн.

Гарригос андулиз нутгаас жүдо бөхийн төрлөөр хоёр дахь эрэгтэй Дэлхийн Аварга болж байна. Түүнээс өмнө Гүрж гаралтай Николоз Шеразадишвили 2018, 2021 онд шинэ нутагтаа алтан медаль авч ирж байсан билээ.

Дохад тав дахь алтаа зүүхээр ногт ганзагалж ирсэн домогт Наохиса Такато аварга хагас шигшээд аварга болох ерөөлтэй Ф.Гарригост, хүрэл медалийн төлөөх барилдаанд гуулин улсын Ли Харимд өвдөг шороодсноор хоосон нутаг буцах болж байна.

 60 кг-ын жингийн медальтнууд:

Франциска Гарригос (Испани)

Дилшодбек Баратов (Узбекистан)

Ли Харим (БНСУ)

Гиорги Сардалашвили (Гүрж)