Узбекистаны нийслэл Ташкент хотод болж буй Боксын Дэлхийн Аварга шалгаруулах тэмцээний долоо дахь өдөр манай улсын хоёр тамирчин тулалдлаа.

-51 кг жинд Хархүүгийн Энхмандах Беларусийн тамирчныг 4-1 харьцаагаар илүүрхсэнээр шигшээ 16-д шалгарав. Тэрбээр шөвгийн наймд шалгарах тулаанаа Испанийн Молина Сальвадортой энэ сарын 9-д хийнэ.

Мөн -75 кг жинд Жаргалын Отгонжаргал Сенегалын боксчинтой учраа таарч 5-0 харьцаагаар яллаа. Тэрбээр шигшээ 16 шатанд Кубын Эрнандез Мартинезтэй энэ сарын 9-д тулалдана.

Харин ДАШТ-ий найм дахь өдөр буюу өнөөдөр\2023.05.08\ -54 кг жинд Доржнямбуугийн Ганболд 17:00 цагаас Туркийн Музаффер Энвертэй эхний тулаанаа хийнэ.