БНСУ-д Хүндийг өргөлтийн Азийн аварга шалгаруулах тэмцээн (ААШТ) болж байна. 49 улсын 400 гаруй тамирчин хүч үзэж буй тивийн аваргын төлөөх тэмцээн тавдугаар сарын 4-14-ний өдрүүдэд үргэлжлэх юм.

Манай тамирчдаас өнөөдөр\2023.05.08\ “Аврагч” спорт хорооны тамирчин, ОУХМ Г.Ануужин 64 кг жинд огцом болон түлхэлттэй өргөлтийн төрөлд хүч үзэн нийт гурван алтан медаль хүртлээ. 

Түүний хувьд 2022 оны ААШТ-ээс огцом өргөлтөөр хүрэл, нийлбэр дүнгээр мөн хүрэл медаль хүртэж байсан.

Монголын багийн бүрэлдэхүүнд Б.Эрдэнэзул (49 кг), Э.Энхтамир (59 кг), Б.Хонгорзул (59 кг), Г.Ануужин (64 кг), Г.Энэрэл (71 кг), М.Анхцэцэг (81 кг) нарын тамирчид багтаж буй.

Шигшээ багийн дасгалжуулагчаар Гавьяат дасгалжуулагч Ц.Хосбаяр, дасгалжуулагч Б.Дэнсмаа нар ажиллаж байгаа.

Түүнчлэн Багийн ахлагч, Монголын хүндийг өргөлтийн холбооны Ерөнхийлөгч Б.Эрдэнэжаргал, Зүүн Азийн Хүндийг өргөлтийн холбооны Дэд ерөнхийлөгч Ч.Даваадорж, Монголын хүндийг өргөлтийн холбооны Ерөнхий нарийн бичгийн дарга С.Үенбаатар, Тэргүүн дэд ерөнхийлөгч Б.Эрдэнэболд, Б.Золбоо нараас бүрдсэн албаныхан тамирчид, дасгалжуулагчидтай хамт БНСУ-ыг зорьсон юм.