Засгийн газраас хэрэгжүүлж буй Шил ажиллагааны хүрээнд shilen.gov.mn сайтад төрийн өмчийн болон төрийн оролцоот компаниудын ТУЗ-ийн гишүүдийн нэрс болон цалин ил болсон. Тэгвэл энэ хүрээнд төрийн өмчийн оролцоотой буюу Монгол Улсын Засгийн газар 34%-ийг нь эзэмшигч “Оюу Толгой"” компанийн ТУЗ-ийн  9 гишүүний нэрс тодорхой байгаа ч цалингийн мэдээллээ ирүүлээгүй байсан.

Тэгвэл өнөөдрийн байдлаар Shilen.gov.mn сайтад “Оюу Толгой” компанийн ТУЗ-ийн 9 гишүүн цалингүй гэсэн мэдээлэл ирүүлжээ.

Сануулахад, Засгийн газар Н.Багабандийн оронд тус компанийн ТУЗ-д ажиллах гишүүнээр  Жамбалдоржийн Таныг  томилуулахаар нэр дэвшүүлсэн. Ингэснээр Монгол Улсын Засгийн газрын 34%-ийн эрх ашгийг хамгаалах  үүрэг хариуцлага Н.Цэрэнбат, Э.Баясгалан, Ж.Тана нарт оногдоод буй юм.