"Доха-2023" жүдо бөхийн насанд хүрэгчдийн Дэлхийн Аварга шалгаруулах тэмцээний хоёр даь өдөр\2023.05.09\ эрэгтэйчүүдийн 66 кг жинд Үндэсний шигшээ баг, "Хилчин" спорт хорооны тамирчин ОУХМ Ёндонпэрэнлэйн Басхүү хүрэл медалиар энгэрээ мялааж Дэлхийн хос медальтан боллоо.

Тодруулбал тэрбээр хүрэл медалийн төлөөх барилдаанд "Токио-2020" олимпийн мөнгө, "Будапешт-2021" ДАШТ-ийн хүрэл медальт Гүржийн Важа Маргвелашвилиг нэмэлт цагт  есөн минут даралтаар яллаа. 

Ё.Басхүү Дэлхийн Аваргаас хоёроос дээш медаль хүртсэн Монголын тав дахь тамирчин болж байна. Түүнээс өмнө Хөдөлмөрийн Баатар Х.Цагаанбаатар, Д.Сумъяа, М.Уранцэцэг, Гавьяат тамирчин Г.Болдбаатар нарбн тамирчид эгнэдэг билээ. 

Тус жингийн Аваргын алтан медалийг Япон улсын тамирчин Абэ Хифүми зүүж, Жоширо Марүяама мөнгөн медалийн эзэн боллоо. 

Харин эмэгтэйчүүдийн -52 кг жинд Япон улсын тамирчин Абэ Үта түрүүлж, Узбекистаны Диёора Келдиёорва мөнгө, Францын Амандине Бушар болон Италийн Одетте Жиуффрида нар хүрэл медаль хүртлээ.

Ийнхүү ах дүү Абэ нар дахин аваргын алтыг уургалж, Дэлхийн аваргын дөрвөн алтаар энгэрээ мялаан домгуудын эгнээнд жагсаж байгаа юм.