Нийслэлийн "Хангарди" ордонд Замын хөдөлгөөний удирдлагын төв ОНӨТҮГ-ын захирал С.Адъяасүрэн цаг үеийн асуудлаар өнөөдөр\2023.05.09\ мэдээлэл өглөө. 

Тэрбээр "Нарны гүүрний урд үзүүр буюу Механик тээврийн сургуулийн уулзварын туршилтыг зогсоосон. Үүнээс болж тус уулзварын ачаалал одоогийн байдлаар эрс хүндэрсэн.

Нарны гүүр, Механик тээврийн сургууль, Цагаан хаалга, Цахилгаан түгээхийн уулзвар дээр хамгийн их ачаалал үүсдэг.

Улмаар Энхтайваны өргөн чөлөө, Баруун дөрвөн зам, Гэсэр сүм, Баянбүрдийн уулзварт ачаалал нэмэгдэж байна.

Иймд нийслэлийн удирдлагууд Нарны гүүр орчмын хөдөлгөөн зохион байгуулалтыг өөрчлөх, замын шинэчлэл, өргөтгөлийг ажлыг хийхээр төлөвлөсөн. 

Зуны улиралд багтаан энэ өөрчлөлтийг хийхгүй бол ирэх намар хөдөлгөөний эрчим өсөх эрсдэлтэй" гэдгийг хэлэв.