Ховд аймгийн бүс нутагт их хэмжээний цас орж, цаг агаарын байдал хүндэрсэнтэй холбогдуулан Зэвсэгт хүчний 123 дугаар ангийн 10 гаруй алба хаагч иргэд, малчдад тусалж байгаа тухай тус ангиас мэдээллээ.

Тодруулбал, тус ангийн захирагчийн зэвсэглэл, техник хариуцсан орлогч, дэд хурандаа Т.Тайванбаатараар ахлуулсан бүрэлдэхүүн цасанд дарагдсан айл өрхийг нүүлгэх, Ховд, Дуут, Мөнххайрхан сумдын малчдад өвс тэжээл хүргэх болон тээвэрчдэд зам гаргах ажлыг хийж байгаа юм байна.

Цаг уурын байгууллагаас өгсөн мэдээллээр, уулархаг нутгаар орсон цас хайлж уруйн болон шар усны үерийн эрсдэлтэй байгаа тул голуудын сав дагуу нутаглаж буй малчид, тариаланчид, аж ахуйн нэгж байгууллага, иргэдийг үерийн аюулаас сонор сэрэмжтэй байхыг анхаарууллаа.