"Улаанбаатар Дулааны Сүлжээ" ТӨХК-ийн Үйлдвэр хөгжлийн хэлтсийн дарга Б.Эрдэнэбаяр Бага тойруу орчмын ургаа модыг тайрсан асуудалд өнөөдөр болсон хэвлэлийн хурлын үеэр тайлбар өглөө.

Тэрбээр "Дэлхийн банкны санхүүжилтээр Бага тойруу орчмын дулааны шугамыг шинэчлэх ажлыг хийхээр төлөвлөсөн. Энэ орчмын дулааны шугамыг 1997 онд суваггүй угсарсан, насжилт нь дууссан. Уг шугамыг солих ажлын хүрээнд өнгөрсөн амралтын өдрүүдэд мод, бутыг зөөж шилжүүлэх ажил хийгдсэн.

Бага тойруу орчмын халуун усыг өнөөдөр хаагаад наймдугаар сарын 1-н хүртэл шугам солих ажил хийгдэнэ. Нэлээн хүндрэлтэй байршилд хийгдэх дулааны шугамын шинэчлэлийн ажил юм" гэв.