Боловсролын зээлийн сантай холбоотой хэргийг Авлигатай тэмцэх газраас шалгаж байна. Тодруулбал, Авлигатай тэмцэх газраас Боловсролын зээлийн сангаас олгож буй дотоод, гадаадын их дээд сургуульд суралцах тэтгэлэг, хөтөлбөрийн хэрэгжилттэй танилцан дүн шинжилгээ хийжээ. Мөн тус сангийн дарга Д.Гарди болон холбогдох албаны хүмүүсийг шалгаад эхэлжээ.

Авлигатай тэмцэх газраас 2023 оны дөрөвдүгээр сарын 20-ны өдөр Боловсролын зээлийн сангийн үйл ажиллагаанд илэрсэн зөрчлийг арилгуулах, хууль тогтоомжийг мөрдөн ажиллуулах шаардлагатай байгаа талаарх зөвлөмжийг Засгийн газрын хэрэг эрхлэх газарт өгч байжээ.

Энэхүү зөвлөмжийн тавдугаар хэсэгт "Гадаадад суралцагчдын төлбөрийн зээлийг хууль, журам зөрчиж чөлөөлөх асуудлыг таслан зогсоож, хохирлыг нөхөн төлүүлэх шаардлагатайг дурджээ. Тодруулбал БШУ-ны сайдын "Гэрээний үүргийг дуусгавар болгох тухай" тушаалын дагуу зарим төгсөгчийн гэрээг дуусгавар болгон чөлөөлсөн нь хууль зүйн үндэслэлгүй байна гэв.

• 2020 оны
  - А/83 тушаалаар 40 төгсөгчийн гэрээний биелэлтийг тооцон, зээлээс чөлөөлөгдсөний 15
  - А/200 тушаалаар 10 төгсөгч чөлөөлсний 4
• 2023 оны А/31 тоот тушаалаар 71 төгсөгчөөс 28, нийт 55 төгсөгчийн гэрээг дуусгавар болгосон нь хуулийн хүрээнд биш гэжээ.