БНХАУ Өмнөд Солонгосын иргэдэд богино хугацааны визийг нэгдүгээр сарыг дуустал олгохгүй гэдгээ мэдэгдлээ. Тодруулбал, Өмнөд Солонгосын эрх баригчид Хятадаас ирэх жуулчдад “Ковид-19”-ийн хязгаарлалт тогтоосонтой холбоотойгоор Бээжингээс ийнхүү хариу арга хэмжээ авлаа. Энэ талаар БНХАУ-ын Элчин сайдын яам “Ялгаварлан гадуурхаж, хилээр нэвтрүүлэх хязгаарлалтаа цуцалбал бид ч бодлогоо өөрчилнө” хэмээн цахим хуудсаараа дамжуулан мэдэгдэв.
 
Ийнхүү хятад иргэдэд хилийн хориг тавьж буй орны жагсаалтад БНСУ нэгдлээ. Одоогоор АНУ, Европын холбоо, Швед, Их Британи, Франц, Австрали, Энэтхэг, Канад, Япон, Итали, Испани, Малайз, Тайвань, Морокко, Катар, Бельги, Израиль гэсэн улс Хятадаас ирэх жуулчдаас шинжилгээний эерэг хариу шаардаж буй юм.