Засгийн газрын өнөөдрийн ээлжит хуралдаанаар Ерөнхий сайд Л.Оюун-Эрдэнэ Монгол Улсын сангуудыг ямар удирдлага, менежментээр хангаж, цаашид үйл ажиллагааг нь хэрхэн явуулах шийдлийг олох үүргийг Эдийн засгийн сайд, Сангийн сайд, Шадар сайд, ЗГХЭГ-ын дарга нарт өгчээ.  

Энэ талаар ЗГХЭГ-ын дарга Д.Амарбаясгалан "Монгол Улс нийт 25 сантай ба 10 орчим нь төсвөөс санхүүждэг. Боловсролын зээлийн сан, Хөдөлмөр эрхлэлтийг дэмжих сан нь тодорхой журам, гэрээнд үндэслэн зарим тохиолдолд зээл төлөгддөггүй бол бусад сан нь зээл хэлбэрээр олгогдон эргээд төлдөг гэх мэт ялгаатай. Тиймээс сангууд бүгд адилхан гэж хавтгайруулж харахаас илүүтэй нийгэм, нийтэд ямар өгөөжтэй вэ гэдэг талаас нь харах нь зүйтэй.

Нийгмийн ялгаа, кастыг бий болгохгүй байхад анхаарна. Монгол Улсад байгаа бүх мэдээллийг шилэн буюу олон нийтэд нээлттэй, ил тод байлгана.  

Өнгөрсөн цаг хугацаанд боловсролын системд ийм айхтар каст бий болжээ. Боловсролын системд ялгаа, заагтай байдлыг арилгах бодлого барьж ажиллана. Гэрээ, дүрэм, журмынхаа дагуу асуудлаа шийдэх л ёстой. Ер нь зээл авсан бол төлөх л ёстой" гэлээ.