“Төрийн өмчит компаниудын сэргэлт Эрдэнэс Монгол нэгдэл” чуулганы үеэр тавьсан илтгэлийнхээ төгсгөлд ЗГХЭГ-ын дарга Д.Амарбаясгалан Шүүр ажиллагаатай холбоотой товч мэдээлэл өглөө.

Тэрбээр "Улс төрийн нам солигдлоо гэхээр дагаад удирдлагууд, ажилтнууд солигдчихдог. Нэг сайд солигдоход дагаад удирдлага түвшний хүмүүс солигдоод байдаг.

Харин тухайн байгууллагад насаараа ажилласан, мэргэшсэн хэсэгт энэ боломж олдох нь бага. Тэгэхээр төр цаашид илүү хариуцлагатай, бүтээмжтэй гэж зоривол тэр хэсэгт илүү хамгаалалттай баталгаатай болгох зорилт тавих ёстой. Төрийн өмчит компаниуд ч үүнд чиглэж ажиллах ёстой.

Өнгөрсөн хугацаанд Шүүр ажиллагааны хүрээнд 8,000 гаруй зөрчил илэрсэн. Бодитой 50 орчим гомдол ирж байна. Жишээлбэл Эрдэнэтийн номын сангийн эрхлэгчээр 25 жил ажилласан хүн чөлөөлөгдсөн байна. Яагаад чөлөөлөгдсөн бэ гэвэл хоёр жилийн өмнө Соёлын яам стратеги төлөвлөгөөгөө батлахдаа аймгийн номын сангийн эрхлэгчээр магистрын зэрэгтэй хүн байна гээд биччихсэн.

Насаараа номын санчаар ажилласан хүн амьдралд нийцэхгүй гаргасан журмаас болоод ажлаасаа чөлөөлөгдсөн. Маш богино хугацаанд энэ зөрчлийг арилгаж өгсөн" гэлээ.