Дуудлагаар очиж, цаасан хайрцаг худалдаж авах үйлчилгээг нэвтрүүлжээ. Тодруулбал, Монголын хог хаягдлыг дахин боловсруулах үндэсний холбооноос дахивар түүхий эд болох цаасан хайрцаг дуудлагаар авах үйлчилгээг үзүүлж эхлээд байна.

Ингэхдээ төлбөр авахгүй бөгөөд 100 кг-аас дээш хэмжээний буюу их хэмжээний цаасыг дуудлагаар үнэ төлбөргүй очиж, худалдан авах аж. Харин тус газар худалдан авсан энэхүү их хэмжээний цаасан хайрцгийг дахин боловсруулах үйлдвэрт тушаах юм.

Энэхүү үйлчилгээг нэвтрүүлснээр байр, орон сууц, дэлгүүр, байгууллагуудын гадна талбайд их хэмжээгээр төвлөрдөг хог хаягдлын хэмжээ буурахаас гадна, хэрэггүйд тооцогдож хаягддаг байсан цаасан хайрцгийг ангилан ялгаснаар зах зээлийн боломжит үнээр худалдаж, эргэлтэд оруулах сайн жишг тогтоно хэмээн үзэж буй юм байна. Үнийн хувьд нэг тонн цаасыг 20,000 төгрөгөөр үнэлнэ.