Баянхонгор аймагт Монголын хүүхдийн спортын VII их наадмын нээлтийн ёслолын ажиллагаа өнөөдөр ёслол төгөлдөр эхэллээ.  Баянхонгор аймгийн харъяат “Токио-2020” олимпийн наадмын хүрэл медальт, ДАШТ-ий 1 алт, 1 мөнгө, 2 хүрэл медальт, Азийн наадмын аварга, Азийн аварга, хөдөлмөрийн баатар, гавьяат тамирчин Мөнхбатын Уранцэцэг, үндэсний бөхийн хамгийн залуу начин, чөлөөт бөхийн ОУХМ Энхтүвшингийн Батмагнай нар бамбарыг хамтдаа асаасан. 
Монголын хүүхдийн “Олимп”-д 21 аймаг, 9 дүүргээс шалгарсан 5000 гаруй тамирчин спортын 23 төрөлд 10 хоногийн турш хурд хүч авхаалж самбаагаа сорин өрсөлдөхөөр хуран чуулаад байна.