Нүүрсний сонсгол зохион байгуулах ажлын хэсгийн ахлагч УИХ-ын гишүүн, Хууль зүйн сайд Х.Нямбаатар, УИХ-ын гишүүн Т.Доржханд нар мэдээлэл хийлээ.

Энэ үеэр тэрбээр "Нүүрсний хулгайн асуудлыг УИХ-ын Хяналт, шалгалтын хуулийн дагуу үр дүнтэй хянан шалгах, ард иргэд, иргэний нийгмийн байгууллагын хүсэлт шаардлагын хүрээнд олон нийтийг ил тод, бодиттой мэдээллээр хангах, Авлигатай тэмцэх үндэсний хөтөлбөрийг хэрэгжүүлэх зорилгоор нүүрсний худалдан авалт, тээвэрлэлт гаалийн бүрдүүлэлт, экспорт холбогдох зөвшөөрөл, хяналтын асуудлаар УИХ-ын хяналтын сонсгол зохион байгуулах бэлтгэл ажлыг хангах, санал дүгнэлт гаргах, үүрэг бүхий ажлын хэсгийг УИХ-ын зургаан гишүүний бүрэлдэхүүнтэй байгуулсан. асуудлыг УИХ-ын Хяналт, шалгалтын хуулиар хяналтын сонсголыг түр хороо зохион байгуулах хуультай.
Өмнө нь УИХ-ын гишүүн Т.Ганболдоор ахлуулсан түр хороо 2022 оны зургадугаар сарын 10-нд байгуулагдсан. Тус түр хороо хилийн шалган нэвтрүүлэх боомтуудын нэвтрүүлэх чадвар, боомтын үйл ажиллагаанд оролцож байгаа төрийн байгууллагууд, ААН-үүд, хил хяналтын бүсийн үйл ажиллагаа, нүүрс тээвэр логистикийн нэвтрүүлэх чадвар түүний өсөлт, экспортоор гаргаж байгаа нүүрсний гаалийн бүрдүүлэлт мөн чөлөөт бүсэд нэмүү өртөг шингэсэн үйлдвэрлэл үйлчилгээ явуулж байгаа эрх зүйн орчны уялдааг шалгах 8 үндсэн асуудлаар одоогоос жилийн өмнө байгуулагдаж байсан. Энэ түр хороо УИХ-ын даргын бидэнд захирамжилсан хяналтын сонсгол явуулах боломжгүй байна. Тиймээс тусад нь бие даасан хяналтын сонсгол явуулах түр хороо, нэгж байгуулахаар болсон.
Уг нэгж нь дараах хүрээгээр хяналт шалгалтынхаа хүрээ хязгаарыг тогтоож, хяналт, шалгалт нотлох баримтыг шинжлэн судлах хяналт шалгалт зохион байгуулах санал дүгнэлтийг маргааш эцэслэн шийдвэрлэхээр боллоо гэв.
УИХ-ЫН ГИШҮҮН Т.ДОРЖХАНД:
Нүүрсний сонсголтой холбоотой Т.Ганболд гэж хүний ахалж байсан түр хороог Х.Нямбаатар гэдэг хүнээр сольчихлоо гэж буруу ойлгоод байна. Үүнийг засах ёстой.