Шилэн дансанд УИХ-ын Тамгын газар 90 сая төгрөгөөр принтер авсан мэдээлэл орж, үүнийг анзаарсан хүмүүс шүүмжилж эхэлсэн. Энэ талаар жагсагчдын төлөөлөл Г.Ирээдүй “Шилэн дансны тухай хуульд өөрчлөлт орсон. Заваараа харлаа. УИХ-ын Тамгын газар 90 сая төгрөгөөр принтер авчээ. Хорвоо дэлхийд ийм мундаг үнэтэй принтер байдаг юм уу гээд судалтал 2016 онд үйлдвэрлэсэн принтерийг 90 саяар 2021 онд авчээ. Энэ нь Приус 30-ийн үнээр Приус 10 авч байгаатай адилхан. Принтер авч байгаа мөнгийг улсын төсвөөс бүрдүүлдэг. Харин ард иргэд татвар нэрээр та бүхэнд өгч байгаа. Та бүхэн энэ үргүй зардлаа хэзээ болих вэ” хэмээн Ерөнхий сайдыг шахаанд орууллаа.