Засгийн газрын өнөөдрийн хуралдаанд Сангийн яам 2022 оны төсвийн гүйцэтгэлээ танилцуулсан байна. Энэ талаар Сангийн сайд Б.Жавхлан мэдээлэл өгч, энэ үеэрээ “Эрдэнэс Тавантолгой” ХК-ийн ногдол ашгийг иргэдэд хэзээ олгох, хэрхэн хуваарилах талаар хэвлэлийнхэн тодрууллаа.
С.Жавхлан сайд “Эрдэнэс Тавантолгой” ХХК-ийн 1072 хувьцааны талаар компани нь илүү тодорхой ярих байх. Харин гишүүдийн санаачилж байгаа зүйл бол арай өөр. Энэ нь иргэдэд оногдуулсан хувьцааг нэмэгдүүлэх замаар ногдол ашгийг гар дээр нь нэмж өгье гэдэг шийдвэр байгаа. Үүнийг Компанийн тухайн хуулиар зохицуулна. Улс төрийн шийдвэр гаргах эсэх нь УИХ дээр шийдэх асуудал. Компани өөрөө ашиг, алдагдлаа тооцон, аль болох жил бүр ногдол ашгийг хуваарилаад явна. БЭТ Ж.Ганбатын хэлж буйгаар, УИХ дээр ярилцан энэ дөрөв юмуу тавдугаар сард ноогдол ашиг хуваарилахаар төлөвлөөд байсан юм билээ” гэв.