Засгийн газрын өнөөдрийн ээлжит хуралдаанаас гаргасан шийдвэрийг Сангийн сайд Б.Жавхлан танилцууллаа. Тэрбээр "Төрийн хэмнэлтийн тухай хуулийг өнгөрөгч оны тавдугаар сард баталсан. Маш сайн үр дүн өгч байгаа. Тодотговол, 189.1 тэрбум төгрөгийг урсгал зардлаас, 29.5 тэрбум төгрөгийг тендерээс хэмнэж, нийт хэмнэлтийн зардал 218.6 төгрөг боллоо. Өнгөрсөн жил 136.8 сая долларын Чингис бондын эцсийн үлдэгдлийг төсвөөс шууд төлж, 100 хувь барагдууллаа. Мөн энэ жилийн эцсээр ДНБ-ий 70 хувьтай тэнцэх байсан өрийн үлдэгдлээ 56.6 хувиар бууруулж барьж чадлаа. Үүнийг цаашид бууруулах, өсгөхгүй байх нь дараагийн том зорилт болж байна" хэмээн өөдрөг мэдээллийг өглөө.