“Улс төр, эдийн засаг, эрх зүйн шийдэл. Нийгмийн зөвшилцөл” чуулга уулзалт Төрийн ордонд  болж байна. Энэ үеэр УИХ-ын гишүүн Т.Доржханд байр сууриа илэрхийллээ. Тэрбээр “Ерөнхий сайд шүгэл үлээгч болсон ч хэнд ч хариуцлага тооцдоггүй. Хөгжлийн банкинд нэр холбогдсон хүмүүс, нүүрсний хулгайтай холбоотой УИХ-ын таван гишүүний нэрсийг зарлахад “Зүгээр байхад зүү шидвэл тэвнэ шиднэ” гэсэн. Гэтэл тэдгээр гишүүн өдгөө “Эрдэнэс Тавантолгой”-н хувьцааг иргэдэд тараах тухай яриад сууж байна. Энэ компани алдагдалтай, өртэй шүү дээ. 
Би өмнө нь Ерөнхий сайдыг том эрх мэдэлтэй гэж хардаг байлаа. Гэтэл Ерөнхийлөгч нарт нь ихээхэн эрх мэдэл байжээ. Тогтолцооны өөрчлөлт хийхгүй бол ямар ч өөрчлөлт гарахгүй, хана тулчихлаа. 
Шинэ Үндсэн хуультай болох, нэмэлт өөрчлөлт оруулах,шинэчлэн найруулах гэсэн сонголтууд байна шүү дээ” гэв.