Тулгар төрийн 2232, Их Монгол Улсын 817, Үндэсний эрх чөлөө тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын хурдан морины уралдаан өнөөдөр /2023.07.10/ хязаалан насаар эхэллээ.

Хурдан морины уралдаан эхлэхээс өмнө Хурдан морины салбар хороо хуралдаж, унаач хүүхдийн аюулгүй байдал, хувцас стандарт эсэхэд хяналт тавьж ажилласан бөгөөд унаач хүүхдүүдийн ихэнх нь стандартад нийцэхгүй гуталтай байжээ.

Морьд уралдааны гараанаас гарах үед 173 номертой 10 настай эрэгтэй хүүхэд мориноос унасан бөгөөд хүүг 103 түргэн тусламжийн эмчийн үзлэгт оруулжээ. Ингээд хүүхдийн биеийн байдлыг хэвийн гэж оношилж, ар гэрт нь хүлээлгэн өгсөн гэдгийг ЦЕГ-аас мэдээлэв.