Эдийн засгийн чуулган хотын хөгжил сэдвээр хуралдлаа. Хуралдааны үеэр Нийслэлийн засаг дарга бөгөөд Улаанбаатар хотын захирагч  Д.Сумъяабазар энэ хуралдаанд оролцож, чиглүүлэгчийн асуултад хариулсан юм. Тэрбээр,

“Алдаа дутагдал бий ч манай хот хөгжиж байна. Бид Сэлбэ голын даланг дахин барина. Уур амьсгалын өөрчлөлтийн улмаас Сэлбэ гол үерлэсэн. 1966 онд Улаанбаатарт аймшигт үер болсон түүхтэй.  Төв Азийн орнуудад +30 градус халж байгаа нь мөн л уур амьгалын өөрчлөлтийн илрэл юм.

Бид ногоон хоттой болохоор ажиллаж байна. Нийслэлийн  эрх зүйн орчныг олон жил хүлээсний эцэст шинэчилсэн. Энэ дагуу хотын төсөв нэмэгдсэн. Бид Сангийн яамнаас зөвшөөрөл авч, хотын бондыг анх удаа гаргах гэж байна. Хотын төсөв хангалтгүй тул олон ажил хийх боломжгүй байдаг. Үүнийг хална. Дараагийн хотын дарга энэ бэрхшээлийг бүү туулаасай. Бид аргацаасаар өнөөдрийг хүрч, үеэртэй туллаа. Туркт болсон шиг газар хөдлөлт ч болох эрсдэл бий. Иймд 30 жил хуримтдлагдсан асуудлыг шийдэж, хот бие даасан, санхүүгийн эх үүсвэрүүдтэй болгохо ажиллаж байна.

БНХАУ-ын “СССС нэгдүгээр авто зам инженеринг групп” ХХК-тай хийсэн суурь хэлцлийн нийт дүн 4.3 тэрбум ам.доллар гэв.  

УИХ-ын гишүүн С.Одонтуяа “Би Засаг дарга байсан үетэй харьцуулахад одоо хотын төсөв, Засаг дарга нарын эрх мэдэл ихээхэн өссөн. Гэвч иргэдэд таатай орчин бүрдээгүйгээс олон зуун залуус гадагшаа явсаар байна. Тэд зөвхөн мөнгө олох гэж явдаггүй. Хүүхдүүдээ эрүүл орчинд өсгөхөөр гадаад улсыг зорьсоор байна” гэсэн юм.