Тулгар төрийн 2232 жил, Их Монгол Улсын 817 жил, Үндэсний эрх чөлөө, Тусгаар тогтнолоо сэргээн мандуулсны 112 жил, Ардын Хувьсгалын 102 жилийн Үндэсний их баяр наадмын хурдан морины уралдаан  Хүй долоон худгийн торгон ногоон дэвжээнд үргэлжилж байна. 

ШҮДЛЭН

Шүдлэн насны хурдан морины уралдаанд нийт 192 морь бүртгүүлснээс 75 хурдан хүлэг уралджээ.

• Түрүү магнайд Ховд аймгийн Мянгад сумын уяач З.Мэндсайханы шарга халзан,
• Аман хүзүүнд Улаанбаатар хотын Сонгинохайрхан дүүргийн уяач Б.Пунцагжбалжирын хар,
• Айргийн гуравт Архангай аймгийн Өндөр-Улаан сумын харьяат Ч.Энхбат сартай хүрэн,
• Айргийн дөрөвт Говь-Алтай аймгийн Халиун сумын харьяат Г.Жавхлантөгсийн хээр,
• Айргийн тавд Төв аймгийн Заамар сумын харьяат Монгол Улсын Алдарт уяач Ч.Уламбаярын буган халтар
  хурдаллаа.

ХЯЗААЛАН 

Үндэсний их баяр наадмын хурдан морины  Хязаалан насны уралдаанд нийт 240 хүлэг бүртгүүлснээс, 138 хурдан хүлэг уралджээ.

Энэ жилийн наадмын Хязаалан насны хурдан хүлгийн торгон жолоо Говь-Алтай нутгаас тодорлоо.

• Түрүү магнайд Говь-Алтай аймгийн Жаргалант сумын Д.Жаргалсайханы туулай ланзан тамгатай халтар морь,
• Аман хүзүүд Өвөрхангай аймгийн Хужирт сумын Шунхлай группийн ерөнхийлөгч Т.Батсайханы тогоруу халзан,
• Айргийн гуравт Булган аймгийн Сэлэнгэ сумын Х.Бөхбатын морь,
• Айргийн дөрөвт Говь-Алтай аймгийн Эрдэнэ сум Ц.Дэмбэрэлсайханы морь айрагдса
• Айргийн тавд Дархан-Уул аймгийн Дархан сум Г.Ариунболдын морь хурдаллаа. 

ИХ НАС 

Нийт  220 их насны морь бүртгүүлснээс 150 нь уралджээ. 

• Түрүү магнайд Их насны уралдаанд Хөвсгөл аймгийн Галт сумын уугуул, аймгийн Алдарт уяач Бүдийн Отгонсэлэнгийн саарал морь 
•  Аманд хүзүүнд Говьсүмбэр аймгийн Сүмбэр сумын уяач Доржийн Баттөгсийн халзан
•  Айргийн гуравт Завхан аймгийн Түдэвтэй сумын уугуул Манлай уяач Гомбожавын Баярцогтын хээр
•  Айргийн дөрөвт Баянхонгор аймгийн Галуут сумын уяач Төмөрийн Мөнхбаярын хээр
•  Айргийн тавд Архангай аймгийн Хотонт сумын уяач Дуламсүрэнгийн Лхагвасүрэнгийн хул хурдалж, уясан уяач, унасан хүүхэд, хурсан олноо баясгалаа.

АЗАРГА

Сүргийн манлай хурдан азарганы уралдаанд 124 хурдан хүлэг бүртгүүлснээс сэрвээний өндрөөр хасагдан, 57 азарга гараанаас гарч, 22 км-ын цаанаас эргэлээ.

Азарга насны хурдан хүлгийн жолоо Увс нутгаас тодорлоо.

• Түрүү магнайд Увс аймгийн Зүүнхангай сумын харьяат МУ-ын алдарт уяач Бадарчийн Норовсамбуугийн гоё хээр азарга,
• Аман хүзүүнд Хөвсгөл аймгийн Мөрөн сумын харьяат Нийслэлийн алдарт уяач Дорждалайн Даяндэмидийн нарт хонгор азарга,
• Айргийн гуравт Завхан аймгийн Тосонцэнгэл сумын харьяат МУ-ын Тод манлай уяач Төмөрбаатарын Ууганбаярын уулс хүрэн,
• Айргийн дөрөвт   Булган аймгийн Гурванбулаг сумын харьяат Хишигжаргалын Аминхишигийн хүрэн халзан,
• Айргийн тавд Архангай аймгийн Төвшрүүлэх сумын уяач Цагаанбандийн Буянбаатарын хүрэн халзан хурдаллаа.