Улсын хэмжээнд өнгөрсөн долоо хоногт буюу энэ сарын 10-16-нд нийслэлийн долоон дүүрэг, 18 аймгийн 44 суманд 86 удаагийн аюулт үзэгдэл, ослын дуудлага бүртгэгдсэн байна.

Үүнээс:

• хүний үйл ажиллагаатай осол 33,
• гал түймэр 40,
• биологийн гаралтай аюулт үзэгдэл нэг,
• ус цаг уурын гаралтай аюулт үзэгдэл найм,
• геологийн гаралтай аюулт үзэгдэл дөрөв байна.

Аюулт үзэгдэл, ослын улмаас 11 хүн амь насаа алдаж, гурван хүн түлэгдэж, гэмтсэн бөгөөд амь насаа алдсан иргэдийн долоо нь том хүн, дөрөв нь хүүхэд байна гэж Онцгой байдлын ерөнхий газраас мэдээллээ.