Ноцтой осол гаргасан Ч.Маралмаад холбогдох эрүүгийн хэргийн шүүх хуралдааны урьдчилсан хэлэлцүүлэг Баянзүрх дүүргийн эрүүгийн хэргийн анхан шатны шүүхэд 13.30 цагт болох байсан ч нэг өмгөөлөгчийн ишүүх хурал давхцсан тул хойшилж, 14.30 цагт эхэллээ. 
Шүүх хуралдаанд ослын улмаас хөлөндөө хүнд гэмтэл авсан 12 насны охины аав хохирогчоор оролцож буй юм. Түүнээс охиных нь биеийн байдал ямар байгааг лавлахад "Шүүх шинжилгээний дүгнэлт эцсийн байдлаар "Хүндэвтэр" гэж гарсан. Охины шарх эдгэрсэн ч эмэгтэй хүүхэд гэдэг талаасаа ялангуяа гоо сайхан талаасаа сорвитой, хонхойгоод муухай болсон" гэв. 
Ч.Маралмаагийн ар гэрийнхэн хохирогч охины гэр бүлд эмчилгээний зардал гэж арван сая төгрөгийг увуулж цувуулан өгөөд сураггүй болсон юм. Харин өнөөдрийн шүүх хуралдаанаас ямар шийдвэр гаргахыг хүлээж байна хэмээн охины аав хэллээ.