Жюү Жицү Дэлхийн аварга шалгаруулах тэмцээн өдгөө “Улаанбаатар-2023” нэртэйгээр зохион байгуулагдаж байна. “Не-ваза” төрлийн эмэгтэйчүүдийн +70 кг-ын жинд ОУХМ М.Сугар хүрэл медаль хүртлээ. Тэрбээр +70 кг-ын жинд ОХУ-ын Дарья Николаева, Колумбийн Лаура Кастильо нарыг ялж , хүрэл медалийн төлөө Казахстаны Ассел Кабдыгалымоваг 8:2-оор ялснаар Монголын багийн хоёр дахь хүрэл медалийг авчирсан юм.

М. Сугар нь 2013 онд АНУ-ын Лос-Анжелест болсон Жюү жицү ДАШТ-д аваргын болзлыг хангасан анхны монгол тамирчин болж,түүнээс жилийн дараа Холливуудэд ирж хүрэл медаль хүртжээ.  Түүнчлэн “Данань-2016” Азийн элсний наадам, “Ашгабат-2017” Азийн танхимын спортын наадмаас хүрэл медаль, 2019 оны  Азийн аварга шалгаруулах тэмцээнд +70 кг-ын жинд алтан медаль тус тус хүртэж байсан билээ.

Тэрбээр жюү жицүгээс гадна жүдо, самбо, кураш, бүстэй барилдаан гээд бөхийн олон төрөлд хүч үздэг чансаатай тамирчин юм. Мөн  2016 оноос хойш Дорноговь аймагт, 2019 оноос жюү жицүгийн “Хилэнц” клубийн дасгалжуулагчаар ажиллаж байна.