Энэхүү ном нь 2021 онд Японд хэвлэгдэн гарснаасаа хойш хамгийн их борлогдож буй тамирчны хөрөг дурсамж юм. Сүмогийн ертөнцөд өөрийнх нь хэлснээр “долоо дордож, найм сэхэн” унаж боссон түүхийг өгүүлнэ. Ганцхан хүний түүх өгүүлээд байгаа боловч уншсан хүн бүхэн сүмогийн бүхэл бүтэн амьдрал, ёс жаяг, дэг журам, үзэл бодлыг гүн гүнзгий илэрхийлэх ажээ. Тэрбээр гүн хар ангалаас өөдөө мацаж, зогсолтгүй хөдөлмөрлөсний үр дүнд сүмогийн хамгийн өндөр цовх оргил “Ёкозүна” хэмээх алдарт хүрч чадсан нэгэн.