АНУ, ОХУ-ын батлан хамгаалах, түүнчлэн санхүү, технологийн бүрэн эрхт байдлаа бэхжүүлэх чиг хандлага зөв болохыг нотолж байна гэж Вашингтон дахь Оросын Элчин сайдын яам баасан гарагт мэдэгдэв. 

"Шинэ хориг арга хэмжээ нь манай батлан хамгаалах аж үйлдвэр, эрчим хүчний салбарын чадавхийг хязгаарлах, мөн олон улсын санхүүгийн системд нэвтрэх боломжийг хүндрүүлэхэд чиглэж байгаагийн шинж тэмдэг юм" гэж Элчин сайдын яам Telegram сувгаар дамжуулан АНУ-д ОХУ-аас олон хувь хүн, компанийг хар жагсаалтад оруулах шийдвэрт тайлбар хийжээ.  

ОХУ-ын Элчин сайдын яамны мэдээлснээр, "Вашингтоны хязгаарлалтын үйл ажиллагааны ээлжит өсөлт АНУ, Их Британийн стратегийн хориг арга хэмжээний яриа хэлэлцээний уулзалттай "давхцсан". Энэ үеэр "Өрнөдийн зүгээс манай улсын эсрэг эхлүүлсэн эрлийз дайныг харгалзан үзвэл АНУ-ын засаг захиргаа эцэс төгсгөлгүй дайралт хийж байгаа нь гайхмаар зүйл биш" гэж Оросын дипломатууд хэлэв. 

 АНУ-ын Сангийн яамны пүрэв гарагт гаргасан мэдэгдэлд дурдсанаар, АНУ-ын Оросын эсрэг авсан хориг арга хэмжээний шинэ давалгаа нь тус улсын батлан хамгаалах аж үйлдвэр, шинжлэх ухаан, банк санхүү, уул уурхайн салбарын эсрэг чиглэж байна. Вашингтон нийтдээ 120 орчим хувь хүн, байгууллагыг хар жагсаалтдаа оруулсны дотор Оросын хэд хэдэн банк, төрийн албан хаагчид багтжээ.