Ноцтой осол гаргасан Ч.Маралмаад холбогдох хэргийн Эрүүгийн хэргийн анхан шатны шүүхийн урьдчилсан хэлэлцүүлэг Баянзүрх дүүргийн шүүхэд өнөөдөр болж, шинжээчийн дүгнэлтийг дахин гаргуулах болсноор хэргийг нэмэлт мөрдөн байцаалтад буцаалаа.

Шинжээчийн дүгнэлтэд хохирогч 12 настай охины гэмтлийг буруу тогтоосон хэмээн яллагдагчийн өмгөөлөгч гомдол гаргаснаар ийнхүү гэмтлийн зэргийг дахин тогтоолгохоор болж байна. Тиймээс шүүх хуралдааныг энэ сарын 24-ний өдөр дахин хэлэлцэнэ.

Энэ өдрийн шүүх хуралдаанд хохирогч охины аав оролцсон бөгөөд яллагдагч талаас охины хөл эвгүй сорвитой эдгэсэн нь эцэг, эхийн буруу. Тодруулбал, тэдний асаргаа муугаас хэмээн үзэж байгаагаа хэлж байв.