Нийслэлийн Онцгой Комисс болон холбогдох инженер, мэргэжлийн хүмүүс уржигдар /2023.07.23/ хуралдан эцсийн шийдвэрээр  "AQUA Garden" хорооллын барилгын ажлыг зогсоож, газрыг чөлөөлөх шаардлагатай гэсэн дүгнэлтэд хүрсэн юм. 

"Авлигал хороолол" хэмээн иргэдийн дунд тархсан уг барилгыг нураахыг иргэдийн зүгээс шаардаж буй. Тэгвэл НОК-оос нураах шийдвэр гарсан ч шийдвэрийг шууд гүйцэтгэх боломжгүй бөгөөд 16-аас дээш давхрын барилгын ажлыг Барилга хот байгуулалтын яамнаас зогсоох шийдвэр гаргадаг байна.

Холбогдох албаны хүмүүст тус барилгын ажлыг зогсоож, буулгах талаар санал, хүсэлтүүдээ хүргүүлсэн гэлээ.

Улаанбаатар хотын захирагч Д.Сумъяабазар мэдээлхдээ, Сэлбэ голыг орон нутгийн тусгай хэрэгцээнд авах Мастер төлөвлөгөө гаргаад мэргэжлийн хүмүүстэй богино, дунд, урт хугацаанд ажиллахаар төлөвлөж байна.

Сэлбэ, Дунд гол дагуу 29 байршилд газар чөлөөлөхөөс өөр аргагүй байдалд байна. Үүнд S Outlets дэлгүүр, Aqua хорооллын газрыг чөлөөлөх ёстой гэсэн дүгнэлтэд хүрсэн тул эрх зүйн орчны хүрээнд арга хэмжээнүүдийг авна гэлээ.