Тээврийн прокурорын газраас яллагдагч Ч.Маралмаад холбогдох хэргийн урьдчилсан хэлэлцүүлэг өчигдөр болж, шинжээчийн дүгнэлтийг хүлээн зөвшөөрөөгүйгээс хуралдааныг энэ сарын 24-ний 11.00 цаг хүртэл хойшлуулсан билээ. 
Ч.Маралмаагийн хувьд урсгал сөрж “Toyota Prius”  маркийн зургаа, “Nissan Quashqai” маркийн нэг гээд нийтдээ долоон автомашиныг  ташраар нь мөргөж, явган хүний замаар явж байсан 12 настай С, Э нарыг мөргөж, хохирогч С-д хүндэвтэр гэмтэл учруулж, нэр бүхий долоон иргэний хохирлыг нэхэмжлэлд 82.273.940 төгрөгийн буюу их хэмжээний хохирол учруулсан хэрэгт прокуророос яллах дүгнэлт үйлдсэн юм. 
Ч.Маралмаагийн хувьд долоон автомашины хохирол болох 82 сая 300 орчим мянган төгрөгийг барагдуулсан ба хүндэвтэр гэмтэл авсан охины шинжээчийн дүгнэлтийг хүлээн зөвшөөрөөгүй юм. Шүүх хуралдаанд автомашины жолооч нар хохирлыг барагдуулсан тул гомдолгүй гэх хүсэлтээ цаасаар шүүх бүрэлдэхүүнд хүргүүлсэн тул тэднийг оролцуулах шаардлагагүй гэж үзсэн байна.