Иргэд, олон нийтийн зүгээс телевизүүдээр эд мөнгөний хонжворт сугалаа сурталчлан борлуулсан нэвтрүүлэг ихээр нэвтрүүлж байгаа нь телевиз соёл гэгээрүүлэх, танин мэдүүлэх үндсэн үүргээ биелүүлэхгүй, үзэгчдийн мэдэх эрхэд халдаж, эфирийг мөнгө олох хэрэгсэл болгож байна гэсэн агуулга бүхий  гомдол Харилцаа холбооны зохицуулах хороонд тасралтгүй иржээ. Тиймээс тус хорооны 2022 оны арванхоёрдугаар сарын 8-ны өдрийн 59 дүгээр тогтоолоор “Телевизээр нэвтрүүлэх зар сурталчилгааны зохицуулалтын журам”-д дараах өөрчлөлтийг оруулжээ. Үүнд,
 

3.18. Телевиз нь эд мөнгөний хонжворт сугалаа болон бараа бүтээгдэхүүнийг студид байрлуулж, үнэ хаялцуулах, дуудлага худалдаа зохион байгуулах хэлбэрээр худалдан борлуулах нэвтрүүлэг нэвтрүүлэхгүй,
 

3.18.1 Эд мөнгөний хонжворт сугалаа худалдан борлуулах нэвтрүүлэгт эд мөнгөний хонжворт сугалааны тохирлыг дамжуулах нь хамаарахгүй хэмээн заасан байдаг аж.
Тиймээс тус хорооноос “Телевизээр нэвтрүүлэх зар сурталчилгааны зохицуулалтын жуомын 3.1 дэх заалтыг хангаж, эд мөнгөний хонжворт сугалаа худалдан борлуулах хэлбэрийн нэвтрүүлэг нэвтрүүлж байгаа бол 2023 оны нэгдүгээр сарын 9-ний дотор зогсоох тухай албан мэдэгдлийг хүргүүлжээ. 
ШӨХТГ-аас ч  телевизээр нэвтрүүлж буй хонжворт сугалааг цэгцлэх, хяналт тавих, эрх зүйн орчныг боловсронгуй болгох талаарх албан бичгийг 2022 оны наймдугаар сард Сангийн яам болон Харилцаа холбооны зохицуулах хороонд хүргүүлж байсан билээ.