Хэрцгийгээр амиа алдсан Монголын иргэн Ш.Алтантуяагийн ар гэрт Малайзын шүүхээс 1,53 сая ам.долларын нөхөн төлбөр олгуулах шийдвэрийг гаргасан. Энэхүү төлбөрийг тус улсын Засгийн газар болон амь насыг нь хөнөөлгөх захиалга өгсөн Абдул Разак Багинда нар барагдуулах юм.
Гэвч Малайзын Засгийн газар болон Багинда нар Дээд шүүхийн шийдвэрийг үл зөвшөөрөн Давж заалдах шатны шүүхэд ханджээ. Энэ талаар Холбооны ахлах зөвлөх Шамсул Болхасан, Ерөнхий прокурорын танхимын Иргэний хэлтсийн хоёрдугаар орлогч дарга нар мэдэгдсэн байна. Давж заалдах болсон гол шалтгаан нь нөхөн төлүүлэх хохирлын хэмжээ их байна гэжээ. 
Ийнхүү 17 жилийн дараа хохирогчийн аав С.Шаарийбуу санасандаа хүрсэн ч давж заалдсаар энэ хэрэг сунжрах төлөвтэй болчихлоо.